សាខាកាកបាទក្រហមកម្ពុជា ខេត្តសៀមរាបបានផ្តល់អំណោយដល់ជនងាយរងគ្រោះ ដែលគ្មានលំនៅច្បាស់លាស់សុំតូបព្រះចៅអធិការវត្ត ស្នាក់នៅបណ្តោះអាសន្ន - រដ្ឋបាលខេត្តសៀមរាប

សាខាកាកបាទក្រហមកម្ពុជា ខេត្តសៀមរាបបានផ្តល់អំណោយដល់ជនងាយរងគ្រោះ ដែលគ្មានលំនៅច្បាស់លាស់សុំតូបព្រះចៅអធិការវត្ត ស្នាក់នៅបណ្តោះអាសន្ន

2 ឆ្នាំ មុន
343
ដោយ vannak

ព្រឹកថ្ងៃទី ២៥ ខែ តុលា ឆ្នាំ ២០២១ លោក ស៊ុំ សំអន នាយកសាខាបាននាំយកអំណោយសាខាកាកបាទក្រហម ជូនដល់ជនងាយរងគ្រោះឈ្មោះ ហួត វ៉ាត់ ភេទប្រុស អាយុ ៤៦ឆ្នាំ មានលំនៅ ក្នុងវត្តព្រៃជ្រូក (ដោយគ្មានលំនៅច្បាស់លាស់សុំតូបព្រះចៅអធិការវត្ត ស្នាក់នៅបណ្តោះអាសន្ន) លោកមានស្រុកកំណើត ភូមិបន្ទាយនាង ឃុំបន្ទាយនាង ស្រុកមង្គលបុរី ខេត្តបាត់ដំបង ដោយហេតុថា ប្រពន្ធ និងកូនស្រីម្នាក់ មានគ្រោះថ្នាក់ចរាចរណ៍ស្លាប់ ទាំងពីរនាក់ កាលពីឆ្នាំ២០១៦ លោកបាននាំកូនស្រីពៅ ដែលមានអាយុ ៤ខែ ចាកចេញពីស្រុកកំណើតទៅរកការងារធ្វើ ហើយក៏រសាត់អណ្តែតមក ដល់ខេត្តសៀមរាប រស់នៅក្នុងវត្ត នាបច្ចុប្បន្ននេះ មានមុខរបររើសអេតចាយចិញ្ចឹមកូនស្រីអាយុ ៦ឆ្នាំ គាត់បានមកដល់ទីស្នាក់ការសាខាកាកបាទក្រហមខេត្តដោយផ្ទាល់ជាមួយនឹងកូនស្រីរបស់គាត់។
អំណោយមនុស្សធម៌បានផ្ដល់ជូនមាន៖ មុង១ ភួយ១ សារុង១ ក្រមារ១ អង្ករ ៣០គីឡូក្រាម មី១កេស ត្រីខ១យួរ និងថវិកា ១សែនរៀល ។

អត្ថបទទាក់ទង