នាព្រឹកថ្ងៃចន្ទ ១០កើត ខឺអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹង ថ្ងៃទី១០ ខែតុលា ឆ្នាំ២០២២​ លោកស្រី ម៉ននី រង្សី អភិបាលរងខេត្ត និងលោក ឃឹម ហ្វីណង់ អភិបាលរងខេត្ត បានអនុញ្ញាតឱ្យលោក មេធាវី ធិន ប៊ុនថាន ប្រធានសាខានៃក្រុមមេធាវីអាស៊ីកម្ពុជាប្រចាំខេត្តសៀមរាប និងសហការីចូលជួបសម្តែងការគួរសម ដើម្បីពិភាក្សាការងារមួយចំនួន។ ឆ្លៀតក្នុងឱកាសនេះដែរ ក្រុមមេធាវីអាស៊ីកម្ពុជាប្រចាំខេត្តសៀមរាបក៏បានសម្តែងការអបអរសាទរក្នុងឱកាសលោកស្រី លោកទាំងពីរដែលត្រូវបានរដ្ឋាភិបាលតែងតាំងឱ្យកាន់មុខតំណែងជាអភិបាលរង នៃគណៈអភិបាលខេត្តសៀមរាប កាលពីថ្ងៃទី២០ ខែកញ្ញា ឆ្នាំ២០២២ ។ លោក លោកស្រី អភិបាលរងខេត្តទាំងពីររូបក៏បានថ្លែងអំណរគុណយ៉ាងជ្រាលជ្រៅ​ចំពោះក្រុមមេធាវីអាស៊ីកម្ពុជាប្រចាំខេត្តសៀមរាបផងដែរ ដែលបានខិតខំចំណាយពេលវេលាដ៏មានតម្លៃអញ្ជើញចូលរួមក្នុងជំនួបពិភាក្សានាពេលនេះ៕