រសៀលថ្ងៃព្រហស្បតិ៍ ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៣ ខែតុលា ឆ្នាំ២០២២ វេលាម៉ោង៣និង០០នៅបន្ទប់ប្រជុំវីដេអូ comfirent របស់រដ្ឋបាលសាលាខេត្ត មានកិច្ចពិភាក្សាការងារស្តីអំពីការដាក់ឲ្យដំណើរការក្នុងការត្រួតពិនិត្យអំពូលតាមប្រព័ន្ធCMS សម្រាប់គម្រោងស្ថាបនាផ្លូវទាំង ៣៨ខ្សែ និងគម្រោង ៥០០អំពូលក្នុងក្រុងសៀមរាបខេត្តសៀមរាប ក្រោមអធិបតីភាព លោក សុខ ថុល អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ទៀ សីហា អភិបាលនៃគណៈអភិបាលខេត្ត និងមានការអញ្ជើញចូលរួមពី លោកតាកាហ្ស៉ី អាអុគិ ប្រធានផ្នែកលក់នៃក្រុមហ៊ុនមីនេបៀ ( ខេមបូឌា) លោកថៃ ប៊ុនណាត វិស្វករ លន សុភ័ក្រ្ត ប្រធានគម្រោងទីក្រុងវៃឆ្លាតខេត្តសៀមរាប និងមន្រ្តីជំនាញពាក់ព័ន្ធទាំងអស់។ ក្នុងកិច្ចពិភាក្សាការងារនារសៀលនេះដែរគឺបានពិភាក្សាគ្នាអំពីតម្លៃនៃសេវាកម្ម O&M និងបានស្នើឲ្យក្រុមហ៊ុនពិនិត្យលទ្ធភាពកំណត់តម្លៃនៃសេវាកម្ម ឡើងវិញដោយបច្ចុប្បន្នតម្លៃក្នុងរដ្ឋបាលខេត្តត្រូវទូទាត់ជូនក្រុមហ៊ុនមីនេបៀ(ខេមបូឌា) មិនទាន់មានតម្លៃជាគោលនៅឡើយ ដោយខាងក្រុមហ៊ុនធ្វើការកំណត់តម្លៃតាម ចំនួនអំពូលដែលបានតម្លើងរួច និងផ្នែកតាមគម្រោងនីមួយៗ។ សេវាកម្ម ការដាក់ឲ្យដំណើរការ និងការត្រួតពិនិត្យអំពូលតាមប្រព័ន្ធ O&M ឬសេវាកម្ម O&M នឹងបង្កើតអត្ថប្រយោជន៍មួយចំនួនដល់រដ្ឋបាលខេត្តសៀមរាបហើយអត្ថប្រយោជន៍នោះគឺការសន្សំសំចែថាមពលអគ្គិសនី និងកាត់បន្ថយការបំភាយឧស្ម័ន(co2) ដោយមុខការងារបន្ថែមបន្ថយពន្លឺ។ គួរបញ្ជាក់ផងដែរថាបច្ចុប្បន្នក្រុមហ៊ុនបានដំឡើងអំពូលឆ្លាតវៃសរុបបានប្រមាណជា ១៨.៨៨០អំពូល នៅទូទាំងប្រទេសកម្ពុជា ព្រមទាំងបានចូលរួមសន្សំសំចៃថ្លៃអគ្គិសនីបានប្រមាណជាង ១លានដុល្លារសហរដ្ឋអាមេរិកក្នុងមួយឆ្នាំសម្រាប់រាជរដ្ឋាភិបាលកម្ពុជាផងដែល៕