ថ្លែងក្នុងកាសនោះ លោក ពិន ប្រាកដ បានលើកឡើងថា ក្នុងនាមគណៈអភិបាលខេត្ត សូមសម្តែងការសប្បាយរីករាយ ចំពោះវត្តមានដ៏ថ្លៃថ្លារបស់ភ្ញៀវទេសចរណ៍កូរ៉េ ដែលមានវត្តមាននៅលើទឹកដីប្រវត្តសាស្ត្រសៀមរាប នាឱកាសនេះ បន្ទាប់ពីវិបត្តិកូវីដ-១៩បានកន្លងទៅថ្មីៗនេះ ហើយក៏ជាវត្តមានដំបូងនូវភ្ញៀវទេសចរណ៍កូរ៉េ ដ៏ច្រើនសន្ធឹកសន្ធាប់នៅលើទឹកដីសៀមរាប-អង្គរ។ លោកអភិបាលរងខេត្តបានបន្តទៀតថា ថ្វីត្បិតតែអាកាសធាតុ មានភ្លៀងធ្លាក់បន្តិចក៏ដោយ ក៏ប៉ុន្តែជាការត្រជាក់ត្រជុំ និងការទទួលស្វាគមន៍យ៉ាងកក់ក្តៅ ចំពោះភ្ញៀវទេសចរណ៍កូរ៉េ ដែលមានវត្តមានលើទឹកដីអច្ឆរិយៈនេះ ។ លោកក៏សូមថ្លែងអំណរគុណចំពោះវត្តមានរបស់ភ្ញៀវទេសចរណ៍ទាំងអស់ ជាពិសេសភ្ញៀវទេសចរណ៍របស់កូរ៉េ ដែលមានវត្តមាននៅថ្ងៃនេះ ហើយពួកគាត់មិនត្រឹមតែមកទស្សនាប្រាសាទប៉ុណ្ណោះទេ ពួកគាត់ក៏បានឆ្លៀតពេលវេលាដ៏មានតំលៃ បានពាំនាំនូវអំណោយជាសម្ភារៈសិក្សាមួយចំនួន ដើម្បីចែកជូនដល់សិស្សានុសិស្សនៅតាមទីជនបទផងដែរ។ លោកក៏សង្ឃឹមថា បន្ទាប់ពីវត្តមានរបស់ភ្ញៀវទេសចរណ៍ទាំងអស់នៅថ្ងៃនេះ នៅពេលដែលពួកគាត់ត្រឡប់ទៅវិញ និងជួយផ្សព្វផ្សាយអំពីភាពដ៏ស្រស់ស្អាតនៃទីក្រុងសៀមរាប ដល់បងប្អូនជនជាតិកូរ៉េ ឱ្យមកទស្សនាខេត្តសៀមរាប ឲ្យបានកាន់តែច្រើនជាងនេះទៅទៀត។
តាមការបញ្ជាក់របស់លោក អេង ណាំ អ្នកសម្របសម្រួលកម្មវិធីដំណើរកម្សាន្តរបស់ទេសចរណ៍កូរ៉េ បានឱ្យដឹងថា ភ្ញៀវទេសចរណ៍កូរ៉េ បានទៅទស្សនានៅតាមប្រាសាទជាច្រើនក្នុងតំបន់អង្គរ និង រមណីយដ្ឋានផ្សេងៗទៀត ជាពិសេសពួកគាត់បានទៅចែកសម្ភារសិក្សាដល់សិស្សានុសិស្សជាច្រើន នៅសាលាបឋមសិក្សាក្នុងស្រុកពួក ខេត្តសៀមរាបផងដែរ។ លោកបានបន្តថា ភ្ញៀវទេសចរណ៍ជនជាតិកូរ៉េ ដែលបានមកកម្សាន្តក្នុងខេត្តសៀមរាបនៅពេលនេះ ពួកគាត់បានប្រើប្រាស់នូវសេវាកម្មជាច្រើន មានដូចជា សណ្ឋាគារ រថយន្ត មគ្គទេសក៏ទេសចរ ភោជនីយដ្ឋាន ហើយពួកគាត់បានទិញនូវវត្ថុអនុស្សាវរីយ៍មួយចំនួនផងដែរ ទាំងនេះហើយ ដែលជាចំណូលបានមកពីទេសចរណ៍ និង ជួយលើកស្ទួយសេដ្ឋកិច្ចប្រជាពលរដ្ឋនៅក្នុងខេត្តសៀមរាប ឲ្យកាន់តែមានភាពល្អប្រសើរផងដែរ។ លោកបានបញ្ជាក់ថា អាហារសាមគ្គីពេលនេះ គឺដើម្បីផ្សព្វផ្សាយ អំពីគោលដៅទេសចរណ៍របស់កម្ពុជា ដល់ប្រជាពលរដ្ឋកូរ៉េ ជាពិសេស គឺខេត្តសៀមរាប ដែលមានប្រាង្គប្រាសាទជាច្រើនដ៏ប្រណិត ដូចជាប្រាសាទអង្គរវត្ត , បាយ័ន, តាព្រហ្ម និង ប្រាសាទផ្សេងៗទៀត ព្រមទាំងរមណីយដ្ឋានទេសចរណ៍បែបប្រវត្តិសាស្រ្តជាច្រើនទៀតផងដែរ។ លោកក៏មានសង្ឃឹមជឿជាក់ថា បន្ទាប់ពីព្រលានយន្តហោះថ្មីខេត្តសៀមរាបបើកដំណើរការ និង មានជើងយន្តហោះជាច្រើនចុះផ្ទាល់ក្នុងខេត្តសៀមរាប ហើយភ្ញៀវទេសចរណ៍កាន់តែច្រើនមកទស្សនាកម្ពុជា ជាពិសេសខេត្តសៀមរាប ដែលសំបូរទៅដោយប្រាង្គប្រាសាទជាច្រើន ដែលគួរឱ្យទាក់ទាញទេសចរណ៍ ហើយសេដ្ឋកិច្ចរបស់ប្រជាពលរដ្ឋកាន់ល្អប្រសើរផងដែរ៕
+14
56Thla Veary, Chamrong CH និង 54 នាក់ផ្សេងទៀត