![](https://asset.cambodia.gov.kh/provincial/sites/22/2023/10/393595754_676451854629144_5942215673982814605_n-1024x683.jpg)
នាឱកាសនោះដែរ លោកជំទាវ បានពាំនាំនូវការសាកសួរសុខទុក្ខពីឯកឧត្តម ប្រាក់ សោភ័ណ ប្រធាន គណៈកម្មាធិការសាខាកាកបាទក្រហមកម្ពុជា ខេត្តសៀមរាប ដែលឯកខត្តមតែងតែចូលរួមយ៉ាងសកម្ម ក្នុងការងារមនុស្សធម៌ គិតគូរខ្ពស់អំពីសុខទុក្ខរបស់ប្រជាពលរដ្ឋរងគ្រោះ និងងាយរងគ្រោះក្នុងខេត្ត ហេីយក៏សូមអរគុណផងដែរ ចំពោះលោកលោកស្រីគណៈកម្មាធិការអនុសាខាកាកបាទក្រហមកម្ពុជាស្រុក ទាំងអស់ ដែលបានលះបង់ពេលវេលាដ៏មមាញឹកក្នុងភារកិច្ចការងារ អញ្ជើញមកចូលរួមទទួលការ យល់ដឹងពីការងារមនុស្សធម៌ តាមរយៈវគ្គសិក្សានេះ ។
លោកជំទាវ កន្លងមកនេះ ពិនិត្យឃើញថា លោក លោកស្រីទាំងអស់បានចូលរួមយ៉ាងសកម្ម ក្នុងវិស័យ មនុស្សធម៌ នៅក្នុងមូលដ្ឋានរបស់ខ្លួន ជាច្រើនឆ្នាំរួចមកហើយ ពិសេសការងារគ្រោះមហន្តរាយ និងការ ចូលរួមចំណែកទប់ស្កាត់ការរីករាលដាលនៃជំងឺកូវីដ១៩កន្លងទៅ ហើយថ្ងៃនេះលោកលោកស្រីបាន យល់ដឹងពីផ្នែកខ្លះពីវិជ្ជាសង្គ្រោះបឋមនៅសហគមន៍បន្ថែមទៀត។ ដូច្នេះក្រោយពីបានបញ្ចប់វគ្គនេះទៅ សូមឱ្យយកចំណេះដឹងនេះទៅអនុវត្ត និងជួយផ្សព្វផ្សាយជូនប្រជាពលរដ្ឋនៅសហគមន៍បានយលដឹង កាន់តែច្រើន។ ជាមួយគ្នានោះដែរ គណៈកម្មាធិការអនុសាខាក្រុង/ស្រុក សូមយកចិត្តទុកដាក់ជំរុញការពង្រីក សមាជិកភាពកាកបាទក្រហមកម្ពុជាក្នុងស្រុករបស់ខ្លួមតាមគោលការណ៍ណែនាំ ជួយទ្រទ្រង់សកម្មភាព ក្រុមកាកបាទក្រហមឃុំ អ្នកស្ម័គ្រចិត្ត និងបណ្តាញយុវជនកាកបាទក្រហមកម្ពុជា ក្នុងរដ្ឋបាលដែនដី របស់ខ្លួនឱ្យមានសកម្មភាពល្អ។ជាមួយគ្នានោះជនក្រីក្របំផុត អ្នកចាស់ជរាគ្មានទីពឹង ជនពិការក្រីក្រ អ្នកជំងឺអេដស៍... ត្រូវគ្រប់គ្រងឱ្យបានច្បាស់ ងាយស្រួលក្នុងការជូនយោបល់ពិភាក្សាដោះស្រាយ ក្នុងករណីចាំបាច់។ ម៉្យាងទៀត ជាមួយការដោះស្រាយករណីរងគ្រោះ ក៏សូមយកចិត្តទុកដាក់អប់រំ រំលឹកដល់បង ប្អូនប្រជាពលរដ្ឋយើង ឱ្យចេះការពារខ្លួន និងក្រុមគ្រួសារពីគ្រោះមហន្តរាយ ពីគ្រោះថ្នាក់ផ្សេងៗ ថែទាំ សុខភាព ការពារជំងឺរាតត្បាតនានា ជាក់ស្ដែងជំងឺគ្រុនឈាមបច្ចុប្បន្ននេះ ក៏ដូចអប់រំពីសុវត្តិភាព ចរាចរណ៍ និងចេះការសាមគ្គី ជួយគ្នាទៅវិញទៅមកក្នុងពេលមានអាសន្នផ្សេងៗផងដែរ៕