ថ្ងៃទី៦ ខែកញ្ញា ឆ្នាំ២០២៤ នៅសណ្ឋាគារ Mermoire Palace Resort & Spa មានរៀបចំកម្មវិធីស្តីពី “ដំណោះស្រាយ សម្រាប់អាជីវកម្ម” ដែលរៀបចំឡើងដោយក្រុមហ៊ុន SMART ក្រោមកិច្ចសហការពីក្លឹបទេសចរណ៍សៀមរាប (STC) ក្រោមអធិបតីភាព លោក ឌី រ៉ាដូ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប និងមានការចូលរួមពីក្រុមការងារក្លឹបទេសចរណ៍សៀមរាប (STC) ក្រុមការងារក្រុមហ៊ុន SMART ក្រុមហ៊ុន Huawei ក្រុមហ៊ុន Siem Reap Tourism Club Association (STC) សមាគម និងឧស្សាហកម្មទេសចរណ៍។ ដោយមានការគាំទ្រពីក្រុមហ៊ុន SMART ក្នុងការបង្កើតកម្មវិធី “ដំណោះស្រាយឌីជីថលសម្រាប់អាជីវកម្ម Business Solutions Work Shop- Unlock Your Business Potential with Innovative ICT Solutions និងមានកិច្ចសហការរៀបចំដោយសមាគមក្លឹបទេសចរណ៍សៀមរាប (STC) ក្នុងការរៀបចំកម្មវិធីនេះឡេីង។ ការរៀបចំកម្មវិធីនេះឡើង ក្នុងគោលបំណងផ្តល់ជូន SMART FIBER + FOR BUSINESS, SMARTCHECKINME, SPONSORED CALL& DATA, MANAGE WIFI, CLOUDOBX, SMARTTRALLERSIM។ ថ្ងៃនេះ ក្នុងនាមក្រុមប្រឹក្សាខេត្ត គណៈអភិបាលខេត្ត និងឯកឧត្តម ប្រាក់ សោភ័ណ្ឌ អភិបាលខេត្តសៀមរាប និងក្នុងនាមខ្ញុំផ្ទាល់ ខ្ញុំមានសេចក្តីសោមនស្សរីករាយដែលបានចូលរួមក្នុងព្រឹត្តិការណ៍ដ៏សំខាន់មួយដែលមានឈ្មោះថា "សិក្ខាសាលាដំណោះស្រាយធុរកិច្ច" បើកសក្តានុពលអាជីវកម្មរបស់អ្នកជាមួយ ដំណោះស្រាយ ICT ប្រកបដោយភាពច្នៃប្រឌិត ហើយខ្ញុំក៏សូមស្វាគមន៍យ៉ាងកក់ក្តៅចំពោះឯកឧត្តម ថ្នាក់ដឹកនាំកំពូលទាំងអស់ពីក្រុមហ៊ុន SMART Axiata ក្រុមហ៊ុន Huawei ក្រុមហ៊ុន Siem Reap Tourism Club Association (STC) សមាគម និងឧស្សាហកម្មទេសចរណ៍ និងអ្នកចូលរួមទាំងអស់នៅទីនេះ។
