ព្រឹកថ្ងៃទី២១ ខែតុលា ឆ្នាំ២០២៤ រដ្ឋបាលខេត្តសៀមរាប ដែលដឹកនាំដោយលោក ង៉ូវ សេងកាក់ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានជួបពិភាក្សាការងារជាមួយប្រតិភូក្រុងជីអាន ខេត្តជាំងស៊ី នៃសាធារណរដ្ឋប្រជាមានិតចិន ដែលដឹកនាំដោយលោក Wan Yalian អភិបាលក្រុងជីអាន ខេត្តជាំងស៊ី នៃសាធារណរដ្ឋប្រជាមានិតចិន និងប្រតិភូអមដំណើរចំនួន ៤នាក់ ដោយការចូលរួមពីលោកស្រីអភិបាលរងក្រុងសៀមរាប លោក ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តលោក ប្រធានមន្ទីរពាណិជ្ជកម្មខេត្ត លោក ប្រធានមន្ទីរទេសចរណ៍ស្តីទីខេត្ត លោក នាយកទីចាត់ការទំនាក់ទំនងសាធារណៈ និងសហប្រតិបត្តិការអន្តរជាតិ លោក នាយករងទីចាត់ការផែនការ និងវិនិយោគសាលាខេត្ត។