នារសៀល ថ្ងៃទី២៦ ខែតុលា ឆ្នាំ២០២៤ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តបានចូលរួមដង្ហែកឋិនទានសាមគ្គី ទៅវេរប្រគេនព្រះសង្ឃគង់ចាំព្រះវស្សាអស់កាលត្រីមាស វត្តព្រះអង្គកងជុំ (ហៅវត្តព្រះអង្គខ្មៅ) ស្ថិតក្នុងភូមិគោកតាចាន់ សង្កាត់គោកចក ក្រុងសៀមរាប ខេត្តសៀមរាប ក្រោមវត្តមានដ៏ខ្ពង់ខ្ពស់លោកជំទាវ ញ៉ែម សាខន ស ខេង លោកជំទាវ ម៉ៅ ម៉ាល័យ កែ គឹមយ៉ាន ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងលោកជំទាវ កែ សួនសុភី ព្រមទាំងក្រុមគ្រួសារ និងពុទ្ធបរិស័ទជិតឆ្ងាយ។
អង្គកឋិនទាននេះដែរ បច្ច័យប្រមូលបានចំនួន២ម៉ឺនដុល្លា និង ប្រាក់ខ្មែរប្រមាណជាង៨លានរៀល ក្រោមការចូលរួមពីម្ចាស់ត្រ័យ និង ពុទ្ធបរិស័ទមកពីគ្រប់ទិសទី ដើមី្បសម្រាប់ការកសាងសមិទ្ធផលនានាក្នុងទីអារាម និង សម្រាប់ធ្វើចង្ហាន់ដល់ព្រះសង្ឃ ព្រមទាំងផ្គត់ផ្គង់ជីវភាពប្រចាំថ្ងៃដល់កុមារកំព្រា នៅក្នុងសមាគមផងដែរ ៕
