នាព្រឹកថ្ងៃទី១៤ ខែមិថុនា ឆ្នាំ២០២០ ថ្នាក់ដឹកនាំស្រុកប្រាសាទបាគង បានចុះសួរសួរសុខទុក្ខ និងនាំគ្រឿងឧបភាគបរិភោគ មកប្រគល់ជូនបងប្អូនប្រជាពលរដ្ឋ ចំនួន ៥គ្រួសារ ស្មេីនឹង ៧នាក់ ស្រី ២នាក់ ដែលទើបត្រឡប់ពីក្រៅប្រទេស កំពុងធ្វេី ចត្តាឡីស័ក្កចំនួន១៤ថ្ងៃ នៅមណ្ឌលរបស់ស្រុកប្រាសាទបាគង តាមការណែនាំរបស់ក្រសួងសុខាភិបាល ។ គ្រឿងឧបភោគបរិភោគដែលនាំមកប្រគល់ជូននេះ បានមកពីការជួយឧបត្ថម្ភ របស់រដ្ឋបាលខេត្តសៀមរាប និងរដ្ឋបាលស្រុកប្រាសាទបាគង ដោយក្នុង ១គ្រួសារទទួលបាន អង្ករ ២៥គីឡូក្រាម មុង២ ទឹកត្រី១យួរ ទឹកស៊ីអុីវ១យួរ ទឹកសុទ្ធ១យួរ សាប៊ូដុំ២ដុំ ម៉ាស់ ៥ និងថវិកា៤០,០០០រៀល ។សូមជម្រាបជូនថា គិតត្រឹមថ្ងៃទី១៤ខែមិថុនាឆ្នាំ២០២០នេះ ក្នុងស្រុកប្រាសាទបាគងយើង មានបងប្អូនប្រជាពលរដ្ឋទើបមកពីក្រៅប្រទេស ចំនួន ១៥២នាក់ ស្រី៦៤នាក់ កូនក្មេង ១០នាក់ ក្នុងនោះស្ម័គ្រចិត្តដាក់ខ្លួនឯងដាច់ដោយឡែក ( នៅតាមផ្ទះ) ១១៨នាក់ ស្រី៤៩នាក់ និងដាក់អោយនៅដាច់ដោយអាជ្ញាធរ(មណ្ឌលចត្តាឡីស័ក) ៣៤នាក់ ស្រី១៥នាក់។ជាមួយគ្នានេះរដ្ឋបាលស្រុកប្រាសាទបាគង ក៏សូមអរគុណ ចំពោះបងប្អូនទាំងអស់ ដែលបានចូលរួមប្រយុទ្ធប្រឆាំង នឹងជំងឺកូវីដ១៩ ដោយបន្តអនុវត្តតាមការណែនាំរបស់ក្រសួងសុខាភិបាល នឹងសូមបញ្ជាក់ជូនថា ការតម្រូវអោយធ្វើចត្តាឡីស័កនេះ គឺជាចំណាត់ការមួយ ដើម្បីសុវត្ថិភាពបងប្អូនប្រជាពលរដ្ឋទូទៅ ក្នុងសហគមន៍យើង តែប៉ុណ្ណោះ កុំអោយមានឆ្លងជំងឺ ដ៏ចង្រៃនេះ៕
