នារលៀលថ្ងៃពុធ ១២រោច ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែមិថុនា ឆ្នាំ២០២០នេះ នៅសាលប្រជុំលេខ២ របស់រដ្ឋបាលខេត្តសៀមរាប បានបើកកិច្ចប្រជុំស្តីអំពីការអនុវត្តវិធានការ​សុវត្ថិភាព​ទេសចរណ៍ ក្នុងដំណាក់កាលទប់ស្កាត់ការរីករាលដាល នៃជំងឺកូវីដ១៩ (Covid 19)ដឹកនាំដោយលោក ពៅ ពិសិដ្ឋ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប ដោយមានការអញ្ញើញចូលរួមពី លោក លោកស្រី ប្រធាន អនុប្រធាន​មន្ទីរជុំវិញខេត្ត លោកស្នងការ ស្នងការរង លោកមេបញ្ជាការ បញ្ជាការរង លោកអភិបាលក្រុងស្រុក និងមន្រ្តីជំនាញពាក់ព័ន្ធជាច្រើនរូបទៀត។កិច្ចប្រជុំនេះដែរ ដើម្បីពិភាក្សាក្ញងការធានាបាននូវការបង្ការ និងទប់ស្កាត់ការរីករាលដាល នៃជំងឺកូវិដ១៩ ក្រសួងទេសចរណ៍សូមស្នើ ឯកឧត្តម លោកជំទាវអភិបាលនៃគណៈអភិបាលរាជធានី ខេត្ត និងប្រធានគណៈកម្មការអភិវឌ្ឍន៍ទេសចរណ៍ថ្នាក់រាជធានី ខេត្ត សហការអនុវត្ត "វិធានសុវត្តិភាពទេសចរណ៍ ដូចខានក្រោម៖១ វិធានសុវត្ថិភាពទេសចរណ៍សម្រាប់សេវាកម្មស្នាក់នៅទេសចរណ៍២ វិធានសុវត្ថិភាពទេសចរណ៍សម្រាប់សេវាកម្មភោជនីយដ្ឋាន និងអាហារដ្ឋានទេសចរណ៍៣ វិធានសុវត្ថិភាពទេសចរណ៍សម្រាប់សេវាកម្មដឹកជញ្ជូនទេសចរណ៍ផ្លូវទឹក៤ វិធានសុវត្ថិភាពទេសចរណ៍សម្រាប់សេវាកម្មដឹកជញ្ជូនទេសចរណ៍ផ្លូវគោក៥ វិធានសុវត្ថិភាពទេសចរណ៍សម្រាប់រមណីយដ្ឋានទេសចរណ៍ និងវិធានសុវត្ថិភាពទេសចរណ៍សម្រាប់សហគមន៍ទេសចរណ៍។ក្នុងនោះដែរ លោក ពៅ ពិសិដ្ឋ ប្រធានអង្គប្រជុំបានស្នើឲ្យរដ្ឋបាលក្រុង ស្រុក រៀបចំបង្កើតក្រុមការងារនេះ ចូលរួមជាមួយក្រុមការងារខេត្ត និងបន្តផ្សព្វផ្សាយអំពីសក្តានុពល តំបន់ទេសចរណ៍ក្នុងភូមិសាស្ត្រក្រុង ស្រុក ដើម្បីភ្ញៀវទេសចរជាតិ អន្តរជាតិ បានជ្រាប និងមកទស្សនាតំបន់ទេសចរណ៍ទាំងនេះ ព្រមទាំងឲ្យមានការបង្កើតក្រុមការងារចុះ ដោយប្រគល់ជូនមន្ទីរទេសចរណ៍រៀបចំក្រុមតូចៗ ដើម្បីចុះអនុវត្ត៕