រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

កិច្ចប្រជុំស្ដីពីការចាត់វិធានការទប់ស្កាត់ និងបង្រ្កាបការកាប់រាន ដុត ឈូសឆាយ ទន្រ្ទានហ៊ុមព័ទ្ធដីរដ្ឋក្នុងភូមិសាស្រ្តស្រុកសូទ្រនិគម

ដោយ អ៊ុក ពិស្តារចំនួនទស្សនា (68)

រសៀលថ្ងៃសុក្រ​១២រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី ១៧​ខែកក្កដា ឆ្នាំ២០២០ រដ្ឋបាលស្រុកសូទ្រនិគម បានរៀបចំកិច្ចប្រជុំស្ដីពីការចាត់វិធានការទប់ស្កាត់ និងបង្រ្កាប ការកាប់រាន ដុត ឈូសឆាយ ទន្រ្ទានហ៊ុមព័ទ្ធ ដីព្រៃសហគមន៍ព្រៃឈើ ដីតំបន់ព្រៃលិចទឹក ដីតំបន់ការពារធនធានធម្មជាតិ ឬដីតំបន់ការពារ អភិរក្ស ក្នុងភូមិសាស្រ្តស្រុកប្រាសាទបាគង​ នៅសាលប្រជុំសាលាស្រុកសូទ្រនិគម ខេត្តសៀមរាប ក្រោមអធិបតីភាពដ៏ខ្ពង់ខ្ពស់របស់ ឯកឧត្ដម ពិន​ ប្រាកដ​ អភិបាលរង នៃគណៈអភិបាលខេត្តសៀមរាប និងជាប្រធានក្រុមការងារទទួលបន្ទុកចុះស្រុកប្រាសាទបាគង​ និងស្រុកសូទ្រនិគម។ ក្នុងកិច្ចប្រជុំនេះដែរក៏មានការអញ្ជើញចូលរួមពី​ លោក​ ម៉ក់​ ប្រុសអភិបាល​នៃគណៈអភិបាលស្រុកសូទ្រនិគម​ទីចាត់ការអន្តរវិស័យ លោកមេបញ្ជាការកងកម្លាំងទាំង៣ប្រភេទ លោក ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត មន្ទីរបរិស្ថានខេត្ត លោកប្រធានមន្ទីរបរិស្ថានខេត្ត​ លោកអនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត លោកនាយករដ្ឋបាលស្រុក ប្រធាន អនុប្រធាន ការិយាល័យ អង្គភាពចំណុះស្រុកទាំង១៣ នាយសង្កាត់ និងនាយខណ្ឌរដ្ឋបាលព្រៃឈើ​ លោក លោកស្រី មេឃុំ និងមន្រ្ដីពាក់ព័ន្ធ។កិច្ចប្រជុំស្ដីពីការចាត់វិធានការទប់ស្កាត់ និងបង្រ្កាបការកាប់រាន ដុត ឈូសឆាយ ទន្រ្ទានហ៊ុមព័ទ្ធដីរដ្ឋក្នុងភូមិសាស្រ្តស្រុកសូទ្រនិគមក្នុងកិច្ចប្រជុំនេះមានរបៀបវារៈ ១. មតិបើកអង្គប្រជុំរបស់ ឯកឧត្ដម​ ពិន​ ប្រាកដ​ អភិបាលរង នៃគណៈអភិបាលខេត្តសៀមរាប២. អានរបាយការណ៍សង្ខេបរបស់រដ្ឋបាលស្រុកសូទ្រនិគម ដោយ លោក ម៉ក់​ ប្រុស​​ អភិបាលនៃគណៈអភិបាលស្រុកសូទ្រនិគម៣. មតិចូលរួមពីសមាជិក សមាជិកា នៃអង្គប្រជុំ៤. មតិបូកសរុប និងបិទអង្គប្រជុំដោយ ឯកឧត្ដម ប្រធានអង្គប្រជុំ។ដោយយោងតាមអនុសាសន៍ណែនាំរបស់ប្រមុខរាជរដ្ឋាភិបាលកម្ពុជា ក្នុងកិច្ចប្រជុំគណៈរដ្ឋមន្រ្តី កាលពីថ្ងៃទី០៣ ខែកក្កដា ឆ្នាំ២០២០ កន្លងមក ហើយកិច្ចប្រជុំក្នុងថ្ងៃនេះ ផ្ដោតសំខាន់ទៅលើពីរចំណុចគឺ៖១. អាជ្ញាធរភូមិ ឃុំ ស្រុក ត្រូវបន្តតាមដាន និងហាមឃាត់ដាច់ខាតកុំឲ្យមានការចូលកាប់ទន្រ្ទានដីព្រៃគ្រប់ប្រភេទរបស់រដ្ឋបន្តទៀត។២. អាជ្ញាធរភូមិ ឃុំ ត្រូវស្រង់ទិន្នន័យអាស្រ័យផលយូរឆ្នាំរបស់ប្រជាពលរដ្ឋ។

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 1 ថ្ងៃមុន