រដ្ឋបាលខេត្តសៀមរាប

Siemreap Administration
ស្វែងរក

កិច្ចប្រជុំស្តីពីការពង្រឹកកិច្ចការរដ្ឋបាល និងកិច្ចការគ្រប់គ្រងសន្តិសុខ សុវត្ថិភាព សណ្តាប់ធ្នាប់ផ្ទៃក្នុងរបស់អង្គភាពពន្ធនាគារខេត្តសៀមរាប សម្រាប់ឆមាសទី១ ឆ្នាំ ២០២០

នៅរសៀលថ្ងៃសុក្រ ១២ រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៧ ខែ កក្កដា ឆ្នាំ ២០២០ លោក ពៅ ពិសិដ្ឋ អភិបាលរងខេត្ត តំណាងឯកឧត្តម ទៀ សីហា អភិបាល នៃគណ:អភិបាលខេត្តសៀមរាប អញ្ជើញចុះសំណេះសំណាល និងដឹកនាំកិច្ចប្រជុំស្តីពីការពង្រឹកកិច្ចការរដ្ឋបាល និងកិច្ចការគ្រប់គ្រងសន្តិសុខ សុវត្ថិភាព សណ្តាប់ធ្នាប់ផ្ទៃក្នុងរបស់អង្គភាពពន្ធនាគារខេត្តសៀមរាប សម្រាប់ឆមាសទី១ ឆ្នាំ ២០២០ ។ កិច្ចប្រជុំនេះដោយមានការអញ្ជើញចូលរួមពី ឧត្តម អគ្គានុរក្សលេខ២ ភាន ឆវ័ន្ត ប្រធានអង្គភាពពន្ធនាគារខេត្តសៀមរាប លោក លោកស្រី អនុប្រធាន និងលោក លោកស្រី ប្រធាន អនុប្រធានការិយាល័យ ប្រធាន អនុប្រធានផ្នែក អង្គភាពពន្ធនាគារខេត្តសៀមរាប សរុបចំនួន ៤៤ នាក់ ដែលកិច្ចប្រជុំនេះរៀបចំនៅបន្ទប់ប្រជុំអង្គភាពពន្ធនាគារខេត្តសៀមរាប ។បន្ទាប់ពីបានការអនុញ្ញាត លោកប្រធានអង្គភាពពន្ធនាគារខេត្ត បានរាយការណ៍សង្ខេបបជូនអង្គប្រជុំ អំពីស្ថានភាពមន្ត្រីអង្គភាពពន្ធនាគារសៀមរាប សរុបចំនួន ១៦០ នាក់ ស្ត្រីចំនួន ២១ នាក់ និងស្ថានភាពជនជាប់ឃុំសរុបចំនួន ២៩៥៣ នាក់ ស្រ្តី ២៣០ នាក់ អនីតិជន ៣៥៦នាក់ ស្ត្រី ១៤ នាក់ ។ ជាមួយគ្នានេះលោកអភិបាលរងខេត្តមានមតិផ្តាំផ្ញើ មួយចំនួនដូចខាងក្រោម៖-ត្រូវយកចិត្តទុក្ខដាក់ខ្ពស់ចំពោះការ សួរសុខទុក្ខពីសំណាក់ក្រុមគ្រួសាររបស់ជនជាប់ឃុំ ដោយអនុវត្តតាមការណែនាំរបស់ក្រសួងសុខាភិបាល ស្តីពីបញ្ហានៃការចំលងនៃជំងឺ Covid 19 ។ -ត្រូវពង្រឹងការគ្រប់គ្រងអោយមានកំរិតខ្ពស់ ចំពោះកិច្ចការសន្តិសុខ សុវត្ថិភាព និងសណ្តាប់ធ្នាប់ ផ្ទៃក្នុងអង្គភាពពន្ធនាគារ ។-ត្រួតពិនិត្យអោយបានច្បាស់លាស់ចំពោះការនាំចូលគ្រឿងញៀន និងសាធាតុញៀនផ្សេងៗ -ត្រូវមានសាមគ្គីភាពផ្ទៃក្នុង និងស្មោះត្រង់ចំពោះអង្គភាព។

អត្ថបទទាក់ទង