រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

ពិធីសំណេះសំណាល និងផ្ដល់អំណោយជូនប្រជាពលរដ្ឋរងគ្រោះដោយគ្រោះធម្មជាតិ និងជនចាស់ជរាក្រីក្រ​ ចំនួន​ ៣១០គ្រួសារ

ដោយ អ៊ុក ពិស្តារចំនួនទស្សនា (80)

ថ្ងៃសុក្រ ៣រោច ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៧ ខែសីហា ឆ្នាំ២០២០ នៅបរិវេណសាលាស្រុកប្រាសាទបាគង និងសាលាឃុំស្ពានត្នោតស្រុកជីក្រែង ខេត្តសៀមរាប មានពិធីសំណេះសំណាល និងផ្ដល់អំណោយជូនប្រជាពលរដ្ឋរងគ្រោះដោយគ្រោះធម្មជាតិ និងជនចាស់ជរាក្រីក្រនៅតាមសហគមន៍ របស់មន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តសៀមរាប ក្រោមអធិបតីភាព​ លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់​ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប សមាជិកក្រុមប្រឹក្សាខេត្ត និងមានការចូលរួមពី មន្ត្រីរាជការថ្នាក់ដឹកនាំខេត្ត លោកប្រធាន អនុប្រធានមន្ទីរ មន្ត្រីរាជការ មកពីមន្ទីរ-អង្គភាពជុំវិញខេត្ត អាជ្ញាធរមូលដ្ឋានស្រុក និងបងប្អូនប្រជាពលរដ្ឋរងគ្រោះដោយគ្រោះធម្មជាតិទាំងពីស្រុក។ ក្រោយពីបានស្តាប់របាយការណ៍សង្ខេបរបស់លោកអភិបាលស្រុកទាំងពីរ និងលោក ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា អំពីវឌ្ឍនភាពជាច្រើនវិស័យរបស់ស្រុក និងវឌ្ឍនភាពនានារបស់មន្ទីរសង្គមកិច្ច អតីតយុទ្ធជន និងយុវនីតិសម្បទារួច លោកអភិបាលរងខេត្ត បានលើកឡើងថា ដោយមានការយកចិត្តទុកដាក់ពីរាជរដ្ឋាភិបាលកម្ពុជា ដែលដឹកនាំប្រកបដោយគតិបណ្ឌិត របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី សម្ដេចតែងតែយកចិត្តទុកដាក់លើសុខទុក្ខ ប្រជាពលរដ្ឋ ជាពិសេសប្រជាពលរដ្ឋរងគ្រោះដោយគ្រោះធម្មជាតិ និងជនចាស់ជរាក្រីក្រក្នុងសហគមន៍ សមតាមទិស ពាក្យស្លោក «មិនទុកប្រជាពលរដ្ឋណាម្នាក់ ស្លាប់ ដោយសារអត់អាហារ » ។ ដូចនេះ រាជរដ្ឋាភិបាល កម្ពុជា តាមរយៈ ក្រសួង សង្គម កិច្ច អតីត យុទ្ធជន និងយុវនីតិសម្បទា ដែលមន្ទីតសង្គមកិច្ច អតីត យុទ្ធជន និងយុវនីតិសម្បទា ខេត្ត បានសហការជាមួរដ្ឋបាលខេត្ត និងរដ្ឋបាលស្រុកទាំងពីរ ដើម្បីរៀបចំនូវកម្មវិធីផ្ដល់អំណោយជូនបងប្អូនប្រជាពលរដ្ឋ ដែលរងគ្រោះក្នុងឆ្នាំ២០២០ នេះ ។សូមញ្ចាក់ដែរថាក្នុងថ្ងៃនេះ រដ្ឋបាលខេត្ត ក៏ដូចជាមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តសៀមរាប បាននាំអំណោយរបស់រាជរដ្ឋាភិបាលចែកជូនបងប្អូនរងគ្រោះដោយគ្រោះធម្មជាតិ ក្នុងស្រុកចំនួនពីរ គឺស្រុក ប្រាសាទបាគង និងស្រុកជីក្រែង សម្រាប់ស្រុកប្រាសាទបាគង មានគ្រួសារចំនួន​ ១១៥គ្រួសារ ស្រុកជីក្រែងសរុបចំនួន​ ១៩៥គ្រួសារ ដោយក្នុង មួយគ្រួសារទទួល បានអង្ករចំនួន ២០គីឡូក្រាម​ មីម៉ាម៉ា ០១កេស ប៊ីចេង ២.៥គីឡូក្រាម​ទឹកស៊ីអ៊ីវ ០១យួរ និងត្រីខកំប៉ុង ០១ យួរ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 1 ថ្ងៃមុន