ថ្ងៃសុក្រ​ ទី០៧​ ខែសីហា​ ឆ្នាំ២០២០​ លោក ទេព ប៊ុនឆាយ ប្រធានក្រុមប្រឹក្សាក្រុង និងលោក លោកស្រី សមាជិកក្រុមប្រឹក្សាក្រុង គណៈអភិបាលក្រុង នាយក នាយករងរដ្ឋបាលសាលាក្រុង កងកម្លាំងប្រដាប់អាវុធ មន្រ្តីរាជការ ក្រុមប្រឹក្សាសង្កាត់ ស្វាយដង្គំ ប្រធានភូមិ អនុប្រធានភូមិ សមាជិកភូមិ ប្រជាការពារភូមិ និងបងប្អូនប្រជាពលរដ្ឋ សរុបចំនួន២០០ នាក់ បាននាំយកដេីមកូនឈេីចំនួន ៤០០ដើម មកដាំនៅចំណុចរួមចំណុចភ្ញាជ័យ កន្រ្តក ក្នុងភូមិសាស្រ្តសង្កាត់ស្វាយដង្គំ លោក ទេព ប៊ុនឆាយ ប្រធានក្រុមប្រឹក្សាក្រុងបានថ្លែង អំណរគុណដល់គ្រប់អ្នក ពាក់ព័ន្ធទាំងអស់ដែលបាន ចូលរួមយុទ្ធនាការ និងអរគុណសហគមន៍បឹងពារាំង ដែល បានផ្តល់កូនឈើព្រៃលិច ទឹកចំនួន ២០០០ដើម ដើម្បីយុទ្ធនាការដាំនេះផងដែរ។ ជាមួយគ្នានេះដែរនាលោកក៏បានផ្តល់អនុសាសន៍មួយចំនួនរួមមាន៖១-គណៈបញ្ជាការឯកភាពរដ្ឋបាលក្រុង សង្កាត់ បន្តដឹកនាំបង្ក្រាបបទល្មើសឈូសឆាយព្រៃលិចទឹកអោយកាន់តែសកម្ម ២-ស្នើសុំរដ្ឋបាលក្រុង សង្កាត់ និងមន្ត្រីរាជការ បងប្អូនប្រជាពលរដ្ឋ បន្តអនុវត្តយុទ្ធនាការនេះអោយបានច្រើនក្នុងក្រុង សង្កាត់៣-សូមបងប្អូនប្រជាពលរដ្ឋ ចូលរួមបង្ការ បង្រ្កាប និងទប់ស្កាត់ការរុករានទន្ទ្រានព្រៃលិចទឹក៤-យើងមិនលើកលែងអោយជនល្មើសឡើយ៥-សូមសហគមន៍ទាំងអស់ក្នុងក្រុងសៀមរាប បន្តបណ្តុះកូនឈើព្រៃលិចទឹក និងដឹកនាំអនុវត្តភារកិច្ចអោយកាន់តែសកម្ម ដូចសហគមន៍បឹងពារាំង៕«សូមចូលរួមការពារសម្បត្តិធម្មជាតិយើងទាំងអស់គ្នា»​ «ព្រៃលិចទឹក ជាជម្រកត្រីពងកូន»៕