នៅរសៀលថ្ងៃព្រហស្បតិ៍ ៩ រោច ខែ ស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៣ ខែសីហា ឆ្នាំ២០២០ លោក ពៅ ពិសិដ្ឋ អភិបាលរងខេត្ត និងជាអនុប្រធានគណ:កម្មការពិនិត្យ និងវាយតម្លៃកម្រិតកែប្រែខ្លួនរបស់ទណ្ឌិតសម្រាប់បន្ធូរបន្ថយទោស និងលើកលែងទោស នៅពន្ធនាគារខេត្តសៀមរាប តំណាងឯកឧត្តម ទៀ សីហា អភិបាល នៃគណៈអភិបាលខេត្តសៀមរាប និងជាប្រធានគណ:កម្មការពិនិត្យ និងវាយតម្លៃកម្រិតកែប្រែខ្លួនរបស់ទណ្ឌិតសម្រាប់បន្ធូរបន្ថយទោស និងលើកលែងទោស នៅពន្ធនាគារខេត្តសៀមរាប អញ្ជើញដឹកនាំកិច្ចប្រជុំគណ:កម្មការពិនិត្យ និងវាយតម្លៃកម្រិតកែប្រែខ្លួនរបស់ទណ្ឌិតនៅពន្ធនាគារខេត្តសៀមរាប សម្រាប់ស្នើសុំបន្ធូយបន្ថយទោស និងលើកលែងទោស ក្នុងឱកាសព្រះរាជពិធីបុណ្យអ៉ំទូក បណ្តែតប្រទីប និងសំពះព្រះខែ អកអំបុក នាថ្ងៃទី ២៩-៣០-៣១ ខែ តុលា ឆ្នាំ ២០២០ ខាងមុខនេះ ។លោក ភាន ឆវ័ន្ត ប្រធានអង្គភាពពន្ធនាសៀមរាប បានរាយការណ៍ជាសង្ខេបជូនអង្គប្រជុំពីសកម្មភាពរបស់ក្រុមការងារប្រឡងប្រណាំងពន្ធនាគារដោយលើកយកចំណាត់ថ្នាក់ប្រឡងប្រណាំងរបស់ទណ្ឌិតម្នាក់ ៗ មកប្រជុំពិនិត្យ និងវាយតម្លៃយ៉ាងយកចិត្តួទុក្ខដាក់ ដើម្បីសុំគោលការណ៍ពិនិត្យ និងសម្រេចពីឯកឧត្តមប្រធានគណ:កម្មការខេត្ត ស្នើជូនប្រធានគណ:កម្មាធិការថ្នាក់ជាតិពិនិត្យ និងសម្រេច ។ កិច្ចប្រជុំនេះកមានការអញ្ជើញចូលរួមពី លោកស្នងការរងនគរបាលខេត្ត លោកព្រះរាជអាជ្ញារងអមសាលាដំបូងខេត្ត លោកនាយករង រដ្ឋបាលសាលាខេត្ត លោកប្រធានអង្គភាពពន្ធនាគារខេត្តសៀមរាប លោកនាយកទីចាត់ការអន្តរវិស័យសាលាខេត្ត និងសមាជិកគណ:កម្មការផងដែរ ។ លោក អភិបាលរងខេត្តបាមផ្តាំផ្ញើរជូនអង្គប្រជុំដូចខាងក្រោម:-ត្រូវយកចិត្តទុក្ខដាក់ខ្ពស់ចំពោះការ សួរសុខទុក្ខពីសំណាក់ក្រុមគ្រួសាររបស់ជនជាប់ឃុំ ដោយអនុវត្តតាមការណែនាំរបស់ក្រសួងសុខាភិបាល ស្តីពីបញ្ហានៃការចំលងនៃជំងឺ Covid 19 ។ -ត្រូវពង្រឹងការគ្រប់គ្រងអោយមានកម្រិតខ្ពស់ ចំពោះកិច្ចការសន្តិសុខ សុវត្ថិភាព និងសណ្តាប់ធ្នាប់ ផ្ទៃក្នុងអង្គភាពពន្ធនាគារទាំងមូល ។-ត្រួតពិនិត្យអោយបានច្បាស់លាស់ចំពោះការនាំចូលគ្រឿងញៀន និងសាធាតុញៀនផ្សេងៗ និងទួរសព្ទ និងវិទ្យុទាក់ទងនានាពីខាងក្រៅចូលដល់បន្ទប់ឃុំឃាំងរបស់ទណ្ឌិត។ -ត្រូវមានសាមគ្គីភាពផ្ទៃក្នុង និងស្មោះត្រង់ចំពោះអង្គភាព។ -ត្រូវសំអាតបរិស្ថានជុំវិញអង្គភាពអោយបានស្អាតកុំអោយមានទឹកដក់បង្កអោយមានម៉ូស ដើម្បីការពារជំងឺដែរឆ្លងតាមរយះម៉ូសខាំ ដូចជាជំងឺឈីក និងគ្រុណឈាម...។-ត្រូវដាក់ពិន័យ នឹងណែនាំចំពោះមន្ត្រីពន្ធនាគារណាដែរបានប្រព្រឹត្តបទល្មើសផ្សេងៗ និងខុសវិន័យក្នុងអង្គភាព ។កិច្ចប្រជុំនេះរៀបចំនៅអង្គភាពពន្ធនាគារខេត្តសៀមរាប៕