រដ្ឋបាលខេត្តសៀមរាប

Siemreap Administration

រដ្ឋបាលខេត្តសៀមរាប

Siemreap Administration

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

សិក្ខា​សាលា​ ស្ដីពីការប្រេីប្រាស់ប្រព័ន្ធប្រកាសឲ្យដឹងមុន​ ១២៩៤​ អំពីព័ត៌មានគ្រោះមហន្តរាយនៅតាមតំបន់

ដោយ អ៊ុក ពិស្តារចំនួនទស្សនា (10)

ថ្ងៃ​ពុ​ធ​ ៦កេីត​ ខែអស្សុជ​ ឆ្នាំជូត​ ទោស័ក​ ព.ស២៥៦៤​ ត្រូវនឹងថ្ងៃទី​២៣​ ខែកញ្ញា​ ឆ្នាំ​២០២០​ នៅរដ្ឋបាលខេត្តសៀមរាប​ បានបេីកសិក្ខាសាលា​ ស្ដីពីការប្រេីប្រាស់ប្រព័ន្ធប្រកាសឲ្យដឹងមុន​ ១២៩៤​ អំពីព័ត៌មានគ្រោះមហន្តរាយនៅតាមតំបន់ដែលបានកំណត់ក្រោមគណៈអធិបតីភាព​ ឯកឧត្តម​ សៀក​ វិចិត្រ​ អគ្គលេខាធិការរង និងជាប្រធាននាយកដ្ឋានគ្រប់គ្រងព័ត៌មានគ្រោះមហន្តរាយ នៃគណៈកម្មាធិការជាតិគ្រប់គ្រោះមហន្តរាយ លោក​ ចឹក​ គឹមជុន​ នាយករងរដ្ឋបាល​សាលាខេត្តសៀមរាប​ លោក​ ទេព​ សុខា​ អនុប្រធាន​កម្មវិធី​គ្រោះមហន្តរាយ​ និងមានការចូលរួមពីមន្ត្រីបង្គោលគណៈកម្មធិការគ្រប់គ្រងគ្រោះមហន្តរាយថ្នាក់ជាតិ​ និងថ្នាក់ខេត្ត​ ចំនួន​ ០៧ខេត្ត​គឺ​ ខេត្ត​សៀមរាប​ ឧត្ដរមានជ័យ​ បន្ទាយមានជ័យ​ ព្រះវិហារ​ បាត់ដំបង​ ប៉ៃលិន​ និងខេត្តពោធិ៍សាត់​ សរុបចំនួន​ ២២នាក់។ ប្រព័ន្ធប្រកាសឲ្យដឹងជាមុន​ ១២៩៤ ជាលេខកូដប្រេីក្នុងទូរស័ព្ទ​ គាំទ្រ​ដោយរាជរដ្ឋាភិបាល​ ហេីយលេខកូដខ្លីនេះ​ អាចប្រេីក្នុងការចុះឈ្មោះ​ ឬតេហៅចេញ​ ដោយឥតគិតថ្លៃ​ ដេីម្បីផ្សព្វផ្សាយឲ្យដឹងមុនអំពីព័ត៌មានគ្រោះមហន្តរាយនៅតាមតំបន់ដែលបានកំណត់ដោយប្រព័ន្ធប្រកាសឲ្យដឹងមុន​ ១២៩៤​ ក្នុងគោលបំណងដេីម្បីទទួលបានព័ត៌មានត្រឹមត្រូវ​ មានប្រសិទ្ធិភាពល្អ​ និងជួយកាត់បន្ថយផលប៉ះពាល់ពីគ្រោះមហន្តរាយផ្សេងៗ​ ដេីម្បីជួយសម្រួល​ការងារការគ្រប់គ្រងគ្រោះមហន្តរាយទូទាំងប្រទេស។ ប្រព័ន្ធនេះនឹងផ្ដល់ជំនួយលេីការប្រាប់នូវ​ ពេលវេលា​ និងការប្រកាសឲ្យដឹងមុន​ឲ្យកាន់តែមានសុក្រឹតភាព​ ត្រឹ​មត្រូវ​ និងជឿទុកចិត្តបាន។ ម្យ៉ាងទៀត ​សិក្ខាសាលា​នេះ​ គឺដើម្បី​ធ្វេីបច្ចុប្បន្នភាពព័ត៌មានប្រព័ន្ធប្រកាសឲ្យដឹងមុន​ ១២៩៤​ និងបណ្ដុះបណ្ដាលបន្ថែមលេីមន្ត្រីបង្គោលទទួលការងារគ្រប់គ្រងគ្រោះមហន្តរាយថ្នាក់ខេត្តឲ្យកាន់តែយល់​ច្បាស់​ពីរបៀបប្រេីប្រាស់ប្រព័ន្ធ​ ការបញ្ចូលព័ត៌មាន​ បញ្ជូលព័ត៌មាន​ ការមេីលព័ត៌មាន​ ការចុះឈ្មោះ​ ការផ្ញេីសារចេញ​ជាអក្សរ​ និងការផ្ញេីសារចេញជាសំឡេង​ ៕

បណ្ណាល័យព័ត៌មាន
ព័ត៌មានពេញនិយម
ព័ត៌មានថ្មីៗ
ពាក់ព័ន្ធបញ្ហាជំងឺ COVID-19១១៥
លេខអគ្គិភ័យ៦៦៦
សង្រ្គោះបន្ទាន់១១៩
ប៉ូលីស១១៧
SIEM REAP WEATHER
ព័ត៌មានជាប់ទាក់ទង

ផ្លូវ៦០ម៉ែត្រ ភូមិបឹងដូនប៉ា សង្កាត់ស្លក្រាម ក្រុងសៀមរាប ខេត្តសៀមរាប

អ៊ីមែល : srphall@siemreap.gov.kh

លេខទូរស័ព្ទ : (+855)63 765 343

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តសៀមរាប

កែប្រែចុងក្រោយ : 5 ថ្ងៃមុន