ព្រឹកថ្ងៃទី ២៧ ខែកញ្ញា ឆ្នាំ២០២០ រដ្ឋបាលស្រុកពួក បានដឹកនាំក្រុមការងារអាជ្ញាធរភូមិ ឃុំ និងព្រះសង្ឃវត្តទោលខ្ពស់សុវណ្ណរង្សី រួមជាមួយនាយក នាយករងរដ្ឋបាលសាលាស្រុក ប្រធាន អនុប្រធាន និងមន្រ្តីរាជការនៃរដ្ឋបាលស្រុក កម្លាំងអធិការដ្ឋាននគរបាលស្រុក បញ្ជាការដ្ឋានកងរាជអាវុធហត្ថស្រុក បញ្ជាការដ្ឋានផ្នែកសឹករងស្រុក កម្លាំងទព័អាកាសដែលឈជើងលើខ្នងបារាយណ៍ ក្រុមការងារយុវជនស្រុក ឃុំ លោកគ្រូ អ្នកគ្រូ និងសិស្សានុសិស្សវិទ្យាល័យចំណេះទូទៅ និងបច្ចេកទេសពួក លោកគ្រូ អ្នកគ្រូ និងសិស្សនុសិស្សសាលាបឋមសិក្សាពាម ប្រជាការពារភូមិ និងប្រជាពលរដ្ឋក្នុងឃុំដូនកែវ ចំនួន ៥១៥នាក់ ស្រី ២៣៣នាក់ បានចូលរួមដាំកូនឈើប្រណិតចំនួន ១៥០០ដើមក្នុងបរិវេណវត្តទោលខ្ពស់ និងអមសងខាងផ្លូវលំ ២ខ្សែ ក្នុងនោះ៖-ខ្សែទី១ ចេញពីកែងផ្លូវខ្នងបារាយណ៍ខាងលិចឆ្ពោះទៅភូមិតាស្នែហ៍និងឡើងទៅវត្តទោលខ្ពស់ប្រវែង ១៤៤០ម៉ែត្រហើយ-ខ្សែទី២ ចុះត្រង់ខ្នងបារាយណ៍ស្ពានតាដុំទៅដល់ព្រំប្រទល់ស្ពានភូមិពាម ឃុំដូនកែវ ស្រុកពួកជាប់ព្រំប្រទល់ ភូមិគោកត្នោត សង្កាត់គោកចកក្រុងសៀមរាបប្រវែង ១៣៥០ម៉ែត្រ ហើយផ្លូវទាំង ០២ខ្សែ ដែលជាអំណោយរបស់ឯកឧត្តមឧត្តមសេនីយត្រី ជូ ពុន ទីប្រឹក្សាក្រសួងមហាផ្ទៃនិងលោកជំទាវ ព្រមជាមួយនោះក៏បានប្រគេនអំពូលសូឡាចំនួន៣គ្រឿងដល់ព្រះចៅអធិការវត្តទោលខ្ពស់ដើម្បីដាក់បំភ្លឺមុខខ្លោងទ្វារវត្ត និងនៅតាមក្បាលស្ពានផងដែរ ។
