រដ្ឋបាលខេត្តសៀមរាប

Siemreap Administration
ស្វែងរក

ក្រុមការងារចម្រុះកំពុងមមាញឹកក្នុងការចុះវាស់វែង និងពិនិត្យការរុះរើសំណង់លើផ្លូវទាំង ៣៨ខ្សែ នៅក្នុងក្រុងសៀមរាប

បន្ទាប់ពីចេញសេចក្តីជូនដំណឹងកាលពីថ្ងៃទី២៣ ខែកញ្ញា ឆ្នាំ២០២០រួចមក រដ្ឋបាលខេត្តសៀមរាប បានរៀបចំបង្កើតក្រុមការងារចំនួន ០៦ក្រុម ដើម្បីចុះវាស់វែង និងរុះរើសំណង់ នៃគម្រោងស្ថាបនាហេដ្ឋារចនាសម្ព័ន្ធ ផ្លូវ ចំនួន ៣៨ខ្សែ នៅក្នុងក្រុងសៀមរាប ខេត្តសៀមរាប គិតត្រឹមថ្ងៃទី២៦ ខែកញ្ញា ឆ្នាំ២០២០ ក្រុមការងារបានចុះអនុវត្តទទួលលទ្ធផល ដូចជាផ្លូវដែលវាស់វែងបាន សរុបចំនួន ៖ ០៧ ខ្សែ ( WN-01, WS-06, WN-03,AD-02, AD-03, AD-06, AD-19)។ទន្ទឹមគ្នានេះ រដ្ឋបាលខេត្ត សូមកោតសរសើរ ចំពោះបងប្អូនប្រជាពលរដ្ឋដែលរងផលប៉ះពាល់ពីការសាងសង់ផ្លូវនេះ ដែលបានស្ម័គ្រចិត្តរុះរើនូវសំណង់ តូប ឬរបង។ រដ្ឋបាលខេត្ត ក៏សូមថ្លែងអំណរគុណយ៉ាងជ្រាលជ្រៅចំពោះក្រុមការងារចុះវាស់វែងនិងក្រុមការងារដែលចុះសម្របសម្រួលការងារសាងសង់ផ្លូវនេះ ដែលបាននឹងកំពុងមមាញឹកក្នុងការចុះអនុវត្តការងារភារកិច្ចរបស់ខ្លួនដោយពុំគិតពីថ្ងៃឈប់សម្រាក។ដូចនេះ រដ្ឋបាលខេត្តសង្ឃឹមថាអ្វីដែលសម្រេចបានមកដល់ថ្ងៃនេះ នឹងបន្តរហូតដល់ផ្លូវទាំង៣៨ខ្សែ សាងសង់រួចរាល់តាមផែនការគ្រោងទុក ជាពិសេសការបង្ហាញឲ្យឃើញនូវបទពិសោធន៍ការងារ និងឆន្ទះរបស់ប្រជាពលរដ្ឋក្នុងក្របខណ្ឌកិច្ចអភិវឌ្ឍន៍ខេត្ត ដើម្បីបម្រើដល់ផលប្រយោជន៍សាធារណៈ ឬប្រជាជនក្នុងខេត្ត ក្រោមទិសស្លោក សៀមរាបផ្ទះខ្ញុំ

អត្ថបទទាក់ទង