គិតត្រឹមថ្ងៃទី៣០ ខែកញ្ញា ឆ្នាំ២០២០ សកម្មភាពការរុះរើដោយស្ម័គ្រចិត្តរបស់បងប្អូនប្រជាពលរដ្ឋដែលរស់នៅតាមបណ្តោយផ្លូវ AD09(ស្ថិតក្នុងភូមិតាភុល សង្កាត់ស្វាយដង្គំ ក្រុងសៀមរាប) ចាប់ពីផ្លូវជាតិលេខ ៦ រហូតដល់ផ្លូវបំបែកក្រោយឡាប៉េ កំពុងដំណើរការយ៉ាងសស្រាក់សស្រាំ ប្រមាណ ៩០%។ ដោយឡែកចំពោះ ១០% ទៀតពួកគាត់កំពុងរង់ចាំជាង ដើម្បីធ្វើការរុះរើបន្តផងដែរ។ជាមួយគ្នានេះ គណៈកម្មការអន្តក្រសួង ក៏ដូចជារដ្ឋបាលខេត្តសូមថ្លែងអំណរគុណយ៉ាងជ្រាលជ្រៅចំពោះបងប្អូនប្រជាពលរដ្ឋដែលរស់នៅតាមផ្លូវដែលរាជរដ្ឋាភិបាលបានគ្រោងនឹងសាងសង់នេះ ដោយមានការចូលរួមសហការជាមួយក្រុមការងារយ៉ាងសស្រាក់សស្រាំក្នុងការរុះរើសំណង់របស់ខ្លួនចេញឱ្យទាន់ពេលវេលា។ សកម្មភាពទាំងបានសបញ្ជាក់ឱ្យឃើញថាបងប្អូនពិតជាសប្បាយចិត្តក្នុងការទទួលនូវសមិទ្ធផលទាំងនេះ ដើម្បីឱ្យខេត្តសៀមរាបមានការកែប្រែមុខមាត់ថ្មីទាំងសោភ័ណភាព និងបរិស្ថានបន្ថែមទៀត។