ថ្ងៃ១១ ខែតុលា ឆ្នាំ២០២០ នាវេលាម៉ោង ០៣ទៀបភ្លឺ លោក សុីន ចាន់ថុល អភិបាលនៃគណៈអភិបាលស្រុកពួកបានដឹកនាំក្រុមការងារចុះពិនិត្យមើលស្ថានភាពជំនន់ទឹកភ្លៀងក្រោយពីមានភ្លៀងធ្លាក់ជាប់ៗគ្នារយៈពេលប៉ុន្មានថ្ងៃកន្លងមកនេះ នៅចំណុចមាត់ប្រឡាយ ជិតស្នាក់ការសង្កាត់រដ្ឋបាលព្រៃឈើ និងខ្នងទំនប់សម្តេចហ៊ុនសែន (ទំនប់កិល)ដោយសារមានការបារម្ភចំពោះហានិភយ័ដែលអាចកើតមានឡើងជាយថាហេតុពីគ្រោះមហន្តរាយដោយទឹកជំនន់ដល់បងប្អូនប្រជាពលរដ្ឋ។ តាមរយៈការចុះពិនិត្យឃើញថា ស្ថានភាពទឹកមានការកើនឡើងជាងមុន ធ្វើអោយហៀរលើខ្នងប្រឡាយ ហូរកាត់ផ្លូវមួយចំនួន និងហូរចូលក្នុងភូមិ សាលារៀន តែមិនទាន់មានផលប៉ះពាល់ខ្លាំងនៅឡើយ។ ក្នុងនោះ លោក អភិបាលស្រុកក៏បានណែនាំដល់អជ្ញាធរភូមិ ឃុំ និងសមត្ថកិច្ច ជួយតាមដាននូវស្ថានភាពទឹកអោយបានជាប់ជាប្រចាំ និងក្រើនរម្លឹកដល់ប្រជាពលរដ្ឋសូមមានការប្រុងប្រយត្ន័ចំពោះការរស់នៅដែលអាចប្រឈមនឹងគ្រោះថ្នាក់ដោយសារជំនន់ទឹកភ្លៀង។ក្នុងនាមអាជ្ញាធរខេត្ត សូមបន្តធ្វើការអំពាវនាវដល់អាជ្ញាធរគ្រប់លំដាប់ថ្នាក់ត្រូវយកចិត្តទុកដាក់ខ្ពស់ក្នុងការត្រៀមជួយសង្គ្រោះប្រជាពលរដ្ឋ ក៏ដូចជាសត្វពាហនៈ ដោយរកទីទួលសុវត្ថិភាពក្នុងអំឡុងពេលមានជំនន់ទឹកភ្លៀងនៅតែបន្ត៕
