ថ្ងៃទី១២ ខែតុលាឆ្នាំ២០២០ លោក ឡុង រដ្ឋារក្ស ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកអង្គរធំ ព្រមទាំងសហការី សប្បុរសជន បាននាំយកអំណោយមនុស្សធ៍មអនុសាខា ជូនដល់គ្រួសាររងគ្រោះដោយរលំផ្ទះ០១គ្រួសារ(ដោយខ្យល់កន្ត្រាក់)កាលពីយប់ថ្ងៃទី៩ខែតុលា ឆ្នាំ២០២០ ស្ថិតនៅភូមិសំរោង ឃុំលាងដៃ ស្រុកអង្គរធំ ខេត្តសៀមរាប។គ្រួសាររងគ្រោះ មានឈ្មោះ ខិក ពក ភេទស្រី អាយុ ៤៧ឆ្នាំ សមាជិកគ្រួសារចំនួន ១២នាក់(ប្រុស៤នាក់) ការខូចខាតផ្ទះទំហ៊ំ ៤ម៉ែត្រx៥ម៉ែត្រ ប្រក់ស័ង្កសី ជញ្ជាំងស្លឹកលាយស័ង្កសី បានដួលទាំងស្រុង តែមិនបណ្តាលអោយរងគ្រោះដោយអាយុជីវិតឡើយ។ អំណោយដែលបានចែកជូនរួមមាន អង្ករចំនួន ៥០គីឡូក្រាម មី០១កេះ ទឹកត្រី១យួ ទឹកស៊ីអ៊ីវ០១យួ ទឹកបរិសុទ្ធ ០២យួ ថវិកាចំនួន ៤០០.០០០រៀល ក្នុងនោះថវិការអនុសខាចំនួន ៨០ ០០០រៀល និងថវិការសប្បុរសជនចំនួនៈ៣២០ ០០០រៀល។ក្នុងពេលចែកអំណោយនោះផងដែរ លោក ប្រធានបានជម្រាបជូនដល់គ្រួសាររងគ្រោះ និងបងប្អូនប្រជាពលរដ្ឋអោយមានការប្រុងប្រយ័ត្នខ្ពស់ក្នុងរដូវភ្លៀង ពិសេសកូនក្មេងតូចៗ កុំបណ្តោយអោយលេងទឹកឡើយ ពិសេសពេលសាងសង់ផ្ទះ សូមចាក់គ្រឹះអោយបានត្រឹមត្រូវ ជៀសវាង ការដួលរលំធ្វើអោយខាតបង់ទាំងពេលវេលា និងថវិកា។